الفول واللحمة(احمد فؤاد نجم )

بما اني كنت اتحدث مع صديق لي عن الفول واللحمة استذكرت رائعة محمد فؤاد نجم التي صدرت بعد ارتفاع اسعار اللحمة في احدى الفترات في مصر وتبرير المسؤولين العجيب للغلاء.

http://www.sawari.com/torath/mb3/elfool-from_sawari.mp3

 

عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصري خصوصا من مصلحته يقرش فول

حيث الفول المصري عموما يجعل من بني ادم غول

تأكل فخده في ربع زكيبه والدكتور محسن مسئول

يديك طاقة وقوة عجيبة تسمن جدا تبقى مهول

ثم اضاف الدكتور محسن ان اللحمه دي سم أكيد

بتزود أوجاع المعدة وتعود على طولة الايد

وتنيم بني ادم وتفرقع منه المواعيد

واللي بياكلوا اللحمة عموما حيخشوا جهنم تأبيد

يادكتور محسن يامزقلط يامصدر ياغير مسئول

حيث ان انتو عقول العالم والعالم محتاج لعقول

مارأى جنابك وجنابهم فيه واحد مجنون بيقول

احنا سيبونا نموت باللحمة وانتو تعيشوا وتاكلوا الفول

مارأيك ياكابتن محسن مش بالذمة كلام معقول

 

يمكنكم اﻻستماع الى روائع الشيخ امام وقصائد احمد فؤاد نجم من هذا الرابط

10 thoughts on “الفول واللحمة(احمد فؤاد نجم )

  1. ههههههههه,
    أن عم أضحك, لأني رجعت الي البيت الساعة 8:30 مساء, ولم أدحش اي شي في معدتي منذ الصباح, وفتحت الثلاجة, لم أجد سوى كبدة الخروف, حتى أنني لم أجد عيش, فأكلت الكبدة بالمعلقة حتى شبعت, مع أنني لا أحب أكل اللحمة !

  2. فعلا مفيش أحسن من الفول و البصل على الفطار و العشاء و ممكن على الغداء كمان,,, أنزل حتى الشارع و دوس حد بعربيتك,, مش هياخد بالة غير لما يخف بعديها بشهرين 😀

  3. والهي انا عاوزك ترجع عن رايك دة اليومين دول بجد
    لان فعلا الحمة هتموتنا
    طبعا عرفت ان الحمة الي اكيد كلنا اكلنا نها ولسة بناكل فيها هي
    هي لحمة حمير وكمان في كلاب يعني ممكن تقول
    ان في السنة الاخيرة دي بس كل واحد فينا اكلو
    بتاع نصف حمار وكلبين
    وربنا يستر علينا من الاثنين
    الحمة والفول

  4. وعلى رأى جدتى آمنه تناول الفول ونام عرض وطول وتناول الكباب ونام خلف الباب

  5. أطال الله في عمر شاعرنا وأنعم عليه بالصحة والعافية
    انت نبض الشارع  والمتحدث الرسمي باسم الشعب في زمن الفساد

  6. بعد التحية والسلام، انني من المعجبين بكل ما يمث للفن الملتزم، من كلمة ولحن وغناء ورسم ومسرح وغير ذلك من تجارب الحياة الابداعية الملتزمة.. لقد ترعرعت في جو مليء بالوعي والاحساس بالمستضعفين واعتبرت نفسي واحدا منعمم، ومن الواضح انني سأبقى على التزامي هذا مدى الحياة..
    اذن أشعار الفاجومي أو أحمد فؤاد نجم ثم غناء الراحل الشيخ امام فيها من الاحساس العميق بالتجربة والمعاناة من أجل أن يصل الكلام الجميل الى أسماع جميع المضطهدين والمهمشين في عالمنا العربي والاسلامي..
    فتحية تقدير لكل عمل ابداعي جميل وملتزم ويوحي بمعاناة الناس وبالفقراء وحاجاتهم الضرورية للبقاء على قيد الحياة والاستمرار فيها وهذا حق من حقوقهم التي اجازها العرف والدين والقانون وكل دساتير الكون.

  7. انا بدعى ربنا انه يقدرنى واعرف اشترى طبق فول انا مش لاقى اكل ربنا ينتقم منك يا مبارك ويورينا فيك يوم

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.