:: Ahmad Bekdash Blog ::

قرف

اين هو   ابن لادن(قدس) .. كانه لم يشارك بالمسرحية بعد..ولا حتى خطاب من الظواهري (قدس)..يبدو  انهما  يعلمان ان المسرحية ما تزال في بداية اجزائها  او فصلها الاول في غزة … ولما يحن وقت ظهورهما بعد ..او ربما التعليمات ..

مستفقدينك يا ابن لادن .. والله مستفقدينك يا زلمة .. شو نسيك مستر بوش ..ام استغنى عن خدماتك ..يلعنو شو قليل الاصل .. بس انت ضرورة في لحظة ما ..ويبدو انها لم تحن  براي اسرائيل وبوش ..

بالله وين هالغيبة …؟! …على كل  ميري كريسماس..وهابي نيو يير..

===============

قال شو… قال :  اثبتت الايام الاخيرة  ان الشارع العربي شارع حي ..

الله حي

الله حي

الله حي ..

الشارع العربي؟! هلق  شو يعني الشارع العربي؟!

قال يعني عنا شوارع وفيها زفت ..عفوا في عرب ….

لالا

هاد يعني عنا مواطنين ..

مواطنين بيمشو بالشارع ..

اي هيك حاجة  لعي بعني .. خلص ظبط التعريف ..ولا كلمة زيادة ..

ظبط اجباري عن امريكا والصهيونية … والحكومة .. ووزارة الكهرباء ..

===============

قال شو قال صواريخ المقاومة تجاوزت ال 40 كلم

اييييييييييييه

هكذا اعلنت اسرائيل للعالم..

وايييييييييييه

وطبعا صفق العرب كثيرا ( ولحلحني ولا لحلحتو ..ما بيتلحلح .. ابن ال…)

وايييييييييييه

يعني صدقوا ..

والله اكبر ..

هذا يعني اننا لعنا ابو سلافها  لاسرائيل من الرعب ..  وصدقنا ..

وايييييييييييه

يقولون .. لا يقع العربي في الجورة مليون مرة ..( هم لا يعلمون ان العربي هجر التفكير والعد منذ زمن …)

انا لم اكن اعد ..لكن هل خطر ببال شي حدا ان هذا الخبر الاسرائيلي الذكي يشبة ويذكرباحبار باسلحة صدام الشاملة  النووية و بان العرب ياكلون لحم اليهود او يرمونهم بالبحر … والنتيجة دعم غربي كبير وتعاطف مع الامورة اسرائيل ..وتفهم لموقفها باقل اقدير ..

وان من يصفق لهكذا خبر هو مجرد احمق لا يقرا ما وراءه من نية اسرائيل الاستمرار بمجزرتها .. اطول فترة ممكنة ..

ونحن نصرخ

الله اكبر ..يا صواريخ حماس ..

متعويـــــــــــدة  دايما ..

==============

قال حملة لنصرة غزة ..

حملة كلام لنصرة غزة ..

حملة صمت لنصرة غزة ..

هل لدينا حقا ..حرية الكلام..

هل لدينا حقا .. حرية الصمت ..

يرحمك يا  المنظمة العالمية لحرية الصمت ..

صمت شو .. كلام شو .. مين سامع ..حدا سامع ..حدا شايف ..حدا شاف ..

===============

خطر لي في لحظة جنون  ان اكتب رساله بالانكليزية ارسلها بالبريد لبعض الكتاب والمفكرين حول العالم الذي املك عناوينهم البريدية ,  ,اروي لهم حكاية غزة .كلما هممت بكتبة بعض السطور .. بح كهربا

قرفت

وابو هالشغلة برجلي..وابو غزة وابو كل شي ..

حدا غيري يعملها ..

انا عندي هم واحد حاليا

هو حملة لوضع جدول واضح لتقنين الكهربا هون

اريد جدول تقنين واضح ( انا لا اطمع بيوم كامل من الكهرباء , اعرف اننا نصدرها لاشقائنا في المريخ …)

فقط جدول اعرف كيف ارتب به يومي واشغالي..

ولا ارغب بانضمام احد  للحملة ..

1  1

قرف