على 
|
ديسمبر
19
|
لست عازما عن اكتب عن الجولان ,فالامر من وجهة نظري ليس كثير ذي جدوى ,(يعطيهون العافية الي بدهون يشاركوا , بس انا شو بدي ..) هيك قلت لحالي ..ولي وجهة نظري التي ساحتفظ بها حاليا ..(انا حر انا …)
انا اصلا ضد التجمعات التدوينية , وتحميل التدوين هوية وقضية جماعية , ثم اني ساخر من شعار الحملة (لندون لحرية الجولان ) ….
قال حرية قال ..
يعني لو كان الجولان غير محتل وكان جزء من سوريا .. فهو حر ..يعني متلي انا ومتل الكل بسوريا .. حر ..
ابو هالمسخرة ..
طيب بس الواحد بيقرا ..
ملعونة انتي يا امنية ..ملعونة انتي وهلوساتك ..يا عمي ضلي اشخري على طول بس ما تمزجي شخيرك بهلوساتك ..
اقرؤوا ما كتبته المدونة السورية امنية ..على الرابط التالي
هي دعوة للاستمتاع ..والقهر..
في حالة الحجب اضغط هنــــــــــــــأ
1 تعقيب على ”ليس عن الجولان“
10 تعليقات على ”ليس عن الجولان“
-
1.
أمنية 
كتب:
الأربعاء 17 ديسمبر 2008 @ 2:17 ملعفا شو هي أشخري؟
لك أيمتى رح تتعلمو تحاكو أنثى
يا أخي انا أنثى ..أنثى..
أنثنوني شويو بعدين التدونية حديث مسنجري حدث منذ سنة مضت .. من زمان عبالي نزله مع الصورة، بس أجت مناسبة لنزله.
و الرواية و الصورة حقيقية مو هلوسة و لا شخير ..
مودتي -
2.
genin2002 
كتب:
الأربعاء 17 ديسمبر 2008 @ 7:41 مشفت اعترف ما في اجمل من هيك شخبره يعني حلوالواحد يسمع عن الجولان ولو سمع يا اخي
ولو ما هل فكره ما قرانا هل اللوحه الملتهبه بعدين كيف صارت معك استمتاع وقهر
طيب عم تحكي عن الحريه ليش وين في حريه بهل الدنيا قالولي انه في حريه بالبلاد الاوروبيه قام
سافرت واول شرط للحريه هونيك اني انسى مين انا يعني با مثل ما بدنا يا ما بدنا وبتقول حريه
وحلها اذا بتنحل -
3.
ahmad bakdash 
كتب:
الأربعاء 17 ديسمبر 2008 @ 9:54 مgenin2002
اهلا بك
حاسك استمتعت بالتدوينة الاصل .. وانقهرتي بحديثنا عن الفري بدو دم freedomولسة بتسالي ..
—————————–
امنية :
شخير
ما شخبرة …
-
4.
أحمد نذير بكداش كتب:
الأربعاء 17 ديسمبر 2008 @ 11:27 ممتفق معك تماماً!
-
5.
Rabie كتب:
الخميس 18 ديسمبر 2008 @ 12:56 صسبقتني كلو من الامتحانات ……..!
فكرة تانية :
الجولان !!؟ لواء اسكندرون !!؟ لماذا أصواتنا للجولان دوماً لماذا ننادي بحرية الجولان وننسى اللواء أو نتناسى
لماذا نكتال الكيل بمكيالين !؟ …….“عجبتني أنا حر أنا ……..!”
-
6.
ahmad bakdash كتب:
الخميس 18 ديسمبر 2008 @ 11:29 صلا والله يا ربيع ما بتفق معك بالفكرة التانية :
اهل اللواء لم يشردو من ارضهم , تركيا لم تطردهم من اراضيهم ولم تمنعهم عن بيوتهم , هي لا تعاملهم كمواطنين درجة ثانية , بل يتمتعون بكل حقوق ابن استانبول وانقرة , . وعايشين ببحبوبة ومبسوطين وعشرة على عشرة ..ومخلفين صبيان وبنات وعم ياكلو سكر نبات .. وعندهون كورنيش وبحر وجبل ,وياماحلا الفسحة ..على راس البحر .. حيث لا مخلوف ولا غيرو …لو تم اليوم استفتاء بين اهل اللواء يا ربيع فازعم ان معظمهم سيختار البقاء بوضعه الحالي , هذا لا يعني انهم تخلوا عن سوريا .. لكن ما هي الهوية ..
وما هو الوطن .. هل هو مجرد خرقة قماش يرفع على التلة .. ام تراب وكرامة ومواطنة ..هذا موضوع يحتاج لتفصيل .. بكل الاحوال لا اجد المقارنة منطقية بين وضع الجولان المحتل , واللواء ..
================
اي احمد .. اهلا بهالطلة والله .. بشو متفق معي.. -
7. genin2002 كتب:
الجمعة 19 ديسمبر 2008 @ 4:50 صطيب اعترف انه رايك ما عدت محتفظ فيه وانا انتزعته منك ورده حمره ارجوانيه لح اوضعها تاج على راسي وقول هيدي هي بلادي وانا حره انا وانت حر انت
واحمد نذير بيتفق معك انه الحريه بدها دم حر وانه بحياتها ما كان لونها الا احمر
اجمل شي سمعته عن الحولان بكلمتين
حريه= دم حر -
8.
ahmad bakdash كتب:
الجمعة 19 ديسمبر 2008 @ 4:13 ماعترف واقر زز
لكن يبقى لي بعض التحفظات ووجهة نظر ما .. قد ربما اسردها يوما ..
شكرا لمرورك .. -
9.
حنظلة الزمن العربي كتب:
الجمعة 19 ديسمبر 2008 @ 11:34 مو الله و ناويلك على نية
شيل صورة هالولد ما عاد ينفع … براءة عيونو ما بتلزمك
اللي بدو يحكي هالحكي بدو يعرف كيف يفلت من الشبك
يا صديقي أحمد
الحرية … أنت تمارسها بطريقة غبية ، المهم أن تصل الفكرة و ليس أن نذكر أسماء ، أطلق شتيمة للريح و دع الناس يلصقونها ” بأحبتهم” كيف شاؤوا هكذا توفر على نفسك عناء تبديل الأحذية ، أو تعود أن تمشي دون حذاء كما نفعل حضرتنا -
10.
Adnan كتب:
الجمعة 26 ديسمبر 2008 @ 6:00 مبتعرف شغلة رغم أني كتبت عن حرية الجولان مع أني مالي مفتنع بالفكرة لأنو شو لح نستفاد بالنهاية.
بالنسبة للواء اسكندرونة الحق معك هنن عايشين احسن مننا.
يعني انا متفق معك تماماً.
الأربعاء 17 ديسمبر 2008 @ 8:12 م
[...] : أكل هوا, تدوين, حريات, سوريا — Free Man @ 6:56 م كنت أقرأ تدوينة لأحمد بكداش ورد فيها ذكر لتدوينة أخرى لأمنية، وبشكل طبيعي نقرت على [...]